VARIOS
Velaquí recollidos, a modo de monografía, os textos presentados no XXIVSimposio do Instituto da Lingua Galega, CUltura impresa: materialidades, paradigmas e retos epistémicos, título que este volume fai propio e que atende a un fenómeno rechamante, que foi agromando paseniño nestas últimas décadas. Estámonos a refereir á puxante emerxencia dun campo de estudos sobre a cultura impresa que alterou de vez as convencionais confluencias epistémicas que ata entón orientaran a historia do libro para levar esta cara a un espazo heurístico máis fluido, no que respecta principalmente á diversidade dos materiais estudados, pero tamén á necesaria interdisciplinariedade metodolóxica con que materiais tan proteicos deben ser analizados.
