ROJAS SAMPEDRO, ANTONIO
Dende mediados da década dos anos sesenta do século XX, e como consecuencia do impulso provocado polo Concilio Vaticano II, producíronse en Galicia, ao longo duns vinte anos, múltiples iniciativas no ámbito da educación social e comunitaria promovidas polos sectores máis dinámicos e comprometidos da Igrexa galega.
A investigación realizada por Antonio Rojas Sampedro, recollida neste volume, presenta moitas das persoas protagonistas e analiza aqueles procesos, que foron transcendentais para a construción da sociedade democrática en Galicia.
