GARCIA BODAÑO, SALVADOR
OS MISTERIOS DE MONSIEUR D'ALIER, libro co que Salvador García-Bodaño fai a súa primeira incursión no campo da narrativa, é un conxunto de relatos que transitan polos camiños da maxia, a fantasía e o milagroso, amparados sempre pola presencia dunha Compostela na que a marabilla é quen de transmutarse en feito cotián. Gran coñecedor e amante da cidade xacobea, García-Bodaño móstranos un Santiago sen tempo, eternizado nas "xentiñas singulares" ás que se refire no limiar Darío Villanueva. Ananos, taberneiras, noctívagos, monxas, espectros, executivos, alquimistas... toda unha gamma de seres de onte e de hoxe enxergados con humor, ternura e medo pola pluma dun dos nosos mellores poetas. Todos eles coa característica común de teren no gran teatro de pedra compostelán o privilexiado escenario das súas vidas e dos seus soños.
